Политика на приватност
Кој сме ние
Books That Help You (booksthathelpyou.com) е дигитална книжарница од Прилеп. За прашања околу приватноста пиши ни на booksthathelpyou@hotmail.com.
Што се случува на оваа страница, а што на Gumroad
На booksthathelpyou.com ги претставуваме книгите. Кога ќе кликнеш „Купи“, те пренасочуваме на Gumroad (gumroad.com), каде што се врши плаќањето и преземањето. Податоците за плаќање (картичка, адреса за наплата) ги внесуваш на Gumroad и ние немаме пристап до нив. За нив важи политиката на приватност на Gumroad.
Кои податоци ги собираме на booksthathelpyou.com
- Контакт форма: име, е-пошта, наслов и порака — за да ти одговориме.
- Билтен: е-пошта, твојата согласност и (ако се пријавиш од страница на категорија) која категорија те интересира — само ако се пријавиш.
- Не користиме колачиња за следење ниту рекламни колачиња.
Хостинг и трети страни
- Страницата е хостирана на Netlify. Пораките од контакт формата и пријавите на билтенот ги прима и чува Netlify Forms и ни ги доставува нам. Како и секој веб-сервер, Netlify обработува технички податоци (на пр. IP адреса) за да ја испорача страницата и да ја заштити од злоупотреби.
- Фонтовите на страницата се вчитуваат од Google Fonts. При вчитувањето, твојот прелистувач се поврзува со серверите на Google.
- За да знаеме колку посетители има страницата и кои страници се отвораат, користиме Cloudflare Web Analytics. Тој не користи колачиња и не те следи низ други веб-страници; бележи само анонимни податоци како отворената страница, земјата, видот на уредот и од каде си дошол/дошла.
- Плаќањата ги обработува Gumroad.
Колку долго ги чуваме податоците
Пораките ги чуваме додека се потребни за да ти одговориме. Пријавата на билтенот ја бришеме кога ќе се одјавиш или кога ќе побараш.
Твоите права
Имаш право да побараш пристап, исправка или бришење на твоите податоци, како и да ја повлечеш согласноста за билтенот во секое време. Пиши ни на booksthathelpyou@hotmail.com. Имаш право и на приговор до Агенцијата за заштита на личните податоци.